"დემოკრატიული მოძრაობა" ღრმა მწუხარებას გამოთქვამს ავღანეთში სამხედრო დავალების შესრულების დროს 31-ე ბატალიონის სერჟანტის, ვალერიან ხუჯაძის დაღუპვის გამო.
„დემოკრატიული მოძრაობა" სამძიმარს უცხადებს გარდაცვლილი ქართველი ჯარისკაცის თანამებრძოლებს, ოჯახის წევრებსა და ახლობლებს.
ავღანეთში ქართველის სერჟანტი ვალერიან ხუჯაძე დაიღუპა. საქართველოს თავდაცვის სამინისტროს ინფორმაციით, 1976 წელს დაბადებული სერჟანტი ხუჯაძე 31-ე ბატალიონის შემადგენლობაში , ISAF-ის სამშვიდობო მისიის ფარგლებში, ჰელმანდის პროვინციაში მსახურობდა. სამხედრო მოსამსახურე პატრულირების დროს მოწინააღმდეგის მიერ დადებულ თვითნაკეთ ნაღმზე აფეთქებისგან მიყენებული ჭრილობების შედეგად გარდაიცვალა. ხუჯაძე საქართველოს შეიარაღებულ ძალებში 2004 წლიდან მსახურობდა. მონაწილეობდა ერაყის სამშვიდობო მისიაშიც. 2011 წელს ხუჯაძეს მიღებული აქვს მედალი სამშვიდობო ოპერაციებში მონაწილეობისთვის. დაღუპული სამხედრო მოსამსახურის ოჯახი საქართველოს კანონმდებლობით დადგენილ სოციალურ პაკეტს მიიღებს.
