"რესპუბლიკური პარტიის" ერთ-ერთი ლიდერი თინა ხიდაშელი გიორგი თარგამაძის ინიციატივას უსაფუძვლოს უწოდებს და მიიჩნევს, რომ ,,ქრისტიან-დემოკრატიული" მოძრაობის ლიდერმა თავისი განცხადებით ხელისუფლების განცხადება ,,გააპრევა."
,,გიორგი თარგამაძემ ბოდიშს ვიხდი ჟარგონისთვის, გუშინ ამ განცხადებით ,,გააპრავა" მიხელ სააკაშვილის გადაწყვეტილება, თითქოს სინამდვილეში რაღაც პრობლემებია და მოდით კონსტიტუცია შევცვალოთ. ასეთი ფუნდამენტური ცვლილება კონსტიტუციაში შეიძლება შევიდეს, მხოლოდ ქართულ საზოგადოებასთან ხანგრძლივი კონსულტაციების შემდეგ", _ განაცხადა ჟურნალისტებთან ხიდაშელმა.
მისივე თქმით, ივანიშვილისთვის მოქალაქეობის მისანიჭებლად, კონსიტუციაში ცვლილების აუცილებლობა არ არის.
"გიორგი თარგამაძის ინიციატივასთან დაკავშირებით, ერთადერთი რამის თქმა შემიძლია, რომ ჩვენ ფუნდამენტური სხვაობა გვაქვს, ქვეყნის განვითარების ხედვასთან მიმართებაში. ჩემთვის არის აბსოლუტურად მიუღებელი დაუშვებელი, ქვეყნის კონსტიტუციის ჭრა და კერვა ხდებოდეს რომელიმე ერთ ადამიანზე მორგებით, ამიტომ ვარ მე, პირადად, მიხეილ სააკაშვილის ოპოზიციაში. ჩვენ არ ვითხოვთ არანაირ საკონსტიტუციო ცვლილებებს, არ ჭირდება ივანიშვილის მოქალაქეობას არანაირი საკონსტიტუციო ცვლილება", _ განაცხადა ხიდაშელმა.
შეგახსენებთ, გიორგი თარგამაძე გამოვიდა ინიციატივით, რომ ბიძინა ივანიშვილისთვის მოქალაქეობის აღსადგენად, სასურველი იქნება კონსტიტუციაში ცვლილებების განხორციელება,
