საქართველოს პრეზდენტი დღეს ნატოს გენერალურ მდივანს პირისპირ შეხვდება. აუდიენცია ანდერს ფოგ რასმუსენსა და მიხეილ სააკაშვილს შორის ნატო-საქართველოს კომისიის სხდომამდე ბრიუსელში გაიმართება.
ალიანსის ხელმძღვანელმა შეხვედრასთან დაკავშირებით სპეციალური განცხადება ბრიფინგზე გააკეთა.
რასმუსენის თქმით, მხარეები ნატოსთან თანამშრომლობის ფარგლებში საქართველოში გატარებული რეფორმებისა და პროგრესის შესახებ ისაუბრებენ.
მისივე თქმით, ნატო აფასებს იმ წვლილს, რომელიც საქართველოს ჩრდილოატლანტიური ალიანსის მიერ წარმოებულ ოპერაციებში შეაქვს.
"პრეზიდენტ სააკაშვილთან დაგეგმილ შეხვედრაზე იმ პროგრესის შესახებ ვისაუბრებთ, რომელსაც საქართველომ მიაღწია ნატოსთან თანამშრომლობის პროგრამების ფარგლებში. ეს შეხვედრა ნატო საქართველოს კომისიის ფარგლებში გაიმართება, რომელიც ჩვენი თანამშრომლობის მთავარი ფორმატია. ვისაუბრებთ რეგიონალური უსაფრთხოების საკითხებზე და ბოლოს ვისაუბრებთ მოსალოდნელ ჩიკაგოს სამიტზე. დარწმუნებული ვარ, რომ მოკავშირეები დიდ მადლობას გამოხატავენ იმ წვლილის გამო, რომელიც საქართველოს ჩვენს მიერ წარმოებულ ავღანულ ოპერაციაში შეაქვს. საქართველო საკმაოდ სოლუდური კონტრიბიუტორია და ახლა თავისი წვლილის გაორმაგებას აპირებს, რის შედეგადაც ის არაწევრ ქვეყნებს შორის ყველაზე დიდ კონსტრიბიუტორად იქცევა. რა თქმა უნდა, ყველა მოკავშირე ამას დიდად აფასებს და ეს ცალსახად მეტყველებს საქართველოს მიერ ჩრდილოატლანტიკური ალიანსის ერთგულებაზე. ჩვენ კიდევ ერთხელ გამოვხატავთ იმას, რაც 2008 წლის ბუქარესტის სამიტზე ვთქვით, რომ საქართველო აუცილებლად გახდება ნატოს წევრი", _ განაცხადა ნატოს გენერალურმა მდივანმა.