"დემოკრატიული მოძრაობის" თავმჯდომარე ნინო ბურჯანაძე განაგრძობს შეხვედრებს საქართველოში აკრედიტირებულ ელჩებთან.
შეხვედრების მიზანია, ელჩები გაეცნონ პარტიის ხედვას ქვეყანაში არსებულ ვითარებასთან დაკავშირებით, ასევე მათ მიეწოდოთ ობიექტური ინფორმაცია "დემოკრატიული მოძრაობის" და საერთოდ ოპოზიციის მიმართ განხორციელებულ ზეწოლებისა და უკანონობის თაობაზე, პოლიტპატიმრების მდგომარეობაზე.
შეხვედრებზე ასევე საუბარი ეხება „დემოკრატიული მოძრაობის" სამომავლო გეგმებს და ქვეყანაში შექმნილი საარჩევნო გარემოს კრიტიკულ მდგომარეობას, „დემოკრატიული მოძრაობის" ხედვას ამ პრობლემასთან დაკავშირებით.
„ელჩები ერთმნიშვნელოვნად აღნიშნავენ, რომ საარჩევნო გარემოსთან დაკავშირებით „დემოკრატიული მძრაობის" მიერ წარმოდგენილი ყველა წინადადება და ინიციატივა იბლოკება არა მხოლოდ მათთან არამედ საზღვარგარეთაც", - განაცხადა ნინო ბურჯანაძემ.
შეხვედრები უკვე შედგა ევროკავშირის, ევროსაბჭოს, გერმანიის, ჰოლანდიის, იტალიის, ლიტვის, ლატვიის, საბერძნეთის, ესტონეთის, ბულგარეთის, საფრანგეთის და ჩეხეთის სახელმწიფოების ელჩებთან. უახლოეს დღეებში დაგეგმილია შეხვედრები სხვა ქვეყნების დიპლომატებთან.