"ქართული ოცნების" ერთ-ერთი ლიდერმა, "რესპუბლიკელმა" თინა ხიდაშელმა ამერიკელი კონგრესმენის ინიციატივაზე განმარტებები გააკეთა და ტელეკომპანია "რუსთავი 2" ამ ინიციატივასთან დაკავშირებით დეზინფორმაციის გავრცელებაში დაადანაშაულა.
აშშ-ის კონგრესში კანონპროექტი სახელწოდებით - საქართველოს რესპუბლიკის დემოკრატიის აქტი 2012 წლისათვის" კონგრესმენმა ჯიმ მაკდერმოტმა 26 მარტს შეიტანა.
როგორც ხიდაშელმა განაცხადა, ეს ინიციატივა მიზნად ისახავს საქართველოში დემოკრატიული პროცესის მხარდაჭერას. კერძოდ, 2012 წელს დაგეგმილი საპარლამენტო არჩევნების თავისუფალ, სამართლიან და კონკურეტუნარიან გარემოში ჩატარების უზრუნველყოფას.
"ძალიან სამწუხაროა, რომ აბსულუტურად ცილისმწამებლური და ტყუილზე დაფუძნებული ინფორმაცია გაავრცელა გუშინ ერთ-ერთმა ქართულმა ტელეარხმა, სახელისუფლებლო ტელევიზია "რუსთავი 2-მა"; ეს იყო სრულიად სამარცხვინო განცხადება ამ შემთხვევაში ამერიკელი კონგრესმენის მიმართ", - აღნიშნა ხიდაშელმა და განმარტა, რომ "რუსთავი 2" დამაჯერებლად საუბროდა, თითქოს ამ აქტით მოთხოვნილია საქართველოსთვის დახმარების შეჩერება, რაც ტყუილია.
ხიდაშელის მტკიცებით, ამერიკელი კონგრესმენი ამბობს, რომ მისი მოთხოვნა და აუცილებლობა არის დემოკრატიული არჩევნები, რომელიც იქნება ერთადერთი პირობა საქართველოს ფინანსური დახმარების.
"აქტი იწყება ძალიან მნიშვნელოვანი დებულებით, სადაც ვკითხულობთ, რომ საქართველოსა და ამერიკას შორის მეგობრობის მთავარი საფუძველი დემოკრატიაა და სწორედ ეს იქნება გარანტორი პარტნიორებისთვის, რომ მხარი დაუჭირონ ქვეყნის წინაშე არსებულ გამოწვევევბს და არ დაუშვან სქართველოს წინააღმდეგ რაიმე აგრესიული ქმედებები", - აღნიშნა მან.
