პარლამენტში, სამთავრობო საათზე, ხვალ, 29 მარტს, იუსტიციის მინისტრის პირველი მოადგილე თინათინ ბურჯალიანი მივა.
ამის შესახებ ჟურნალისტებს ფრაქცია „ერთობა სამართლიანობისთვის" თავმჯდომარე დიმიტრი ლორთქიფანიძემ განუცხადა. მისი თქმით, აღნიშნულთან დაკავშირებით შესაბამისი უწყებიდან აცნობეს.
ოპოზიციურმა ფრაქციამ, პარლამენტში ზურაბ ადეიშვილის მისვლა მოითხოვა, მაგრამ მინისტრი უკრაინაში ვიზიტის გამო სამთავრობო საათზე ვერ მივა.
შესაბამისად, ბიძინა ივანიშვილისთვის ნატურალიზაციის გზით საქართველოს მოქალაქეობის მინიჭების საკითხზე და სანდრო გირგვლიანის საქმესთან დაკავშირებით ევროპული სასამართლოს გადაწყვეტილების აღსრულებაზე, დეპუტატებს პასუხს თინათინ ბურჯალიანი გასცემს.
პარლამნეტში სამთავრობო საათი ხვალ შინაგან საქმეთა მინისტრი ვანო მერაბიშვილი მივა.