საქართველოს პარლამენტის თავმჯდომარე დავით ბაქრაძე საპარლამენტო დელეგაციასთან ერთად უგანდაში ქალაქ კამპალაში ოფიციალური ვიზიტით გაემგზავრა.
31 მარტი - 5 აპრილს საქართველოს დელეგაცია საპარლამენტთაშორისო კავშირის 126-ე ასამბლეასთან დაკავშირებულ შეხვედრებში მონაწილეობას მიიღებს.
საქართველოს პარლამენტის დელეგაციას პარლამენტის თავმჯდომარე დავით ბაქრაძე, პარლამენტის თავმჯდომარის მოადგილე ლევან ვეფხვაძე, საპროცედურო საკითხთა და წესების კომიტეტის თავმჯდომარე ხათუნა გოგორიშვილი, დარგობრივი ეკონომიკისა და ეკონომიკური პოლიტიკის კომიტეტის თავმჯდომარე გიორგი მელაძე და საპარლამენტო უმრავლესობის წევრი დავით ბეჟუაშვილი წარმოადგენს.