პარლამენტში შინაგან საქმეთა მინისტრთან ~ქრისტიან-დემოკრატები~ პოლიციის პოლიტიზირების საკითხის წამოჭრას გეგმავენ.
როგორც ფრაქციის თავმჯდომარე გიორგი ახვლდეიანმა ჟურნალისტებთან განაცხადა, ხვალინდელ სამთავრობო სხდომაზე ვანო მერაბიშვილს მოუწევს განმარტოს, რატომ არის პოლიცია პოლიტიზირებული.
~ვერავითარი პოლიციის რეფორმა წარმატებულად ვერ ჩაითვლება მანამ, სანამ მისი თანამშრომლები ~მიშა, მიშას~ სკანდირებენ. ამასთან, ჩვენ ხელისუფლებას ვთავაზობთ, გაიყოს ე.წ. ენკავედეს სახით ჩამოყალიბებული შინაგან საქმეთა სამინისტრო და მონსტრ უწყებაში შემავალი პოლიციისა და უშიშროების სტრუქტურები ერთმანეთისგან განცალკევდეს" - აღნიშნა ახვლედიანმა.
მისივე თქმით, შს მინისტრთან წინასწარი დაკავების ადგილებში არსებულ პრობლემებზეც გაამახვილებენ ყურადღებას.
სამთავრობო საათი პარლამენტში ხვალ ფრაქცია ,,ერთობა სამართლიანობისათვის,, ინიციატივით გაიმართება. პარლამენტში შინაგან საქმეთა მინისტრთან ერთად შესაძლოა იუსტიციის მინისტრის რომელიმე მოადფგილეც გამოცხადდეს.