ნატოს კარი ღია რჩება მისი წევრობის მსურველი ევროპის ქვეყნებისთვის, - ეს განცხადება ნატოს გენერალურმა მდივანმა ანდერს ფოგ რასმუსენმა მოსკოვი-ბრიუსელი ტელეხიდის დროს გააკეთა.
"ნატოს კარი ღიაა იმ ევროპული ქვეყნებისთვის, რომლებსაც მისი წევრობა სურთ და თუკი ისინი გარკვეულ კრიტერიუმებს აკმაყოფილებენ. ყველა სუვერენულ სახელმწიფოს თავად აქვს უფლება, გადაწყვიტოს, იყოს ნატოს წევრი თუ არა. ეს ყველა ქვეყნის სუვერენული უფლებაა, აირჩიოს, რომელ ალიანსში სურს გაწევრიანება", _ აცხადებს რასმუსენი და საქართველოს ნატოში შესვლის პერსპექტივასთან დაკავშირებით აცხადებს, რომ "ჯერჯერობით საქართველოს ნატოს შესვლისთვის აუცილებელი პირობები არ დაუკმაყოფილებია".
"მაგრამ საქართველო წინ მიდის ამ საქმეში და ეს წინსვლა აისახება კომისია ნატო-საქართველოს ერთობლივ მუშაობაშიც. ახლა ნაადრევი იქნებოდა რაიმე სახის გრაფიკზე საუბარი, რომელიც საქართველოს ნატოს წევრობას ეხება", _ აცხადებს რასმუსენი.