"დემოკრატიული მოძრაობა" განცხადებას ავრცელებს, რომელშიც ნათქვამია, რომ ხელისუფლებამ დაიწყო პოლიტიკური ოპონენტების დევნისა და ტერორის ახალი ეტაპი.
"2012 წლის 22 მარტს საქართველოს კონტროლის პალატის მიერ განხილული იქნა "სახალხო კრების" თბილისის ორგანიზაციის ხელმძღვანელის გია კობახიძის და "დემოკრატიული მოძრაობის" ბათუმის ორგანიზაციის ხელმძღვანელის თეიმურაზ ჭანტურიშვილის მიმართ საქართველოს ორგანული კანონის მოქალაქეთა პოლიტიკური გაერთიანების შესახებ 34/2 მუხლის საფუძველზე ჯარიმის დაწერის თაობაზე. განხილვამ ჩაიარა მძიმე ზეწოლის პირობებში და კანონის აბსოლუტური დარღვევით თეიმურაზ ჭანტურიშვილი დაჯარიმდა 2000, ხოლო გია კობახიძე კი 12000 ლარით. 3 დღის ვადაში კონტროლის პალატის წერილობითი გადაწყვეტილების მიღების შემდეგ "დემოკრატიული მოძრაობა" გამართავს ამ თემაზე სპეციალურ ბრიფინგს", - ნათქვამია განცხადებაში.