2015 წლის კიდევ უფრო მდიდარი და ძლიერი საქართველო იქნება, - ამის შესახებ პარლამენტში დებატების დროს საპარლამრნტო უმრვლესობის ლიდერმა პეტრე ცისკარიშვილმა განაცხადა.
მისი შეფასებით, გიორგი თარგამაძეს საკმაოდ დიდი ამბიცები აქვს და რომ კითხონ წარმოადგენს თუ არა ის საქართველოს, ამაზეც დადებით პასუხს მისცემს.
„ბატონო გიორგი თქვენ ოპოზიციის ერთ გარკვეულ ნაწლის ნამდვილად წარმოადგენთ, მაგრამ მინდა გკითხოთ - დღევანდელი საქართველო 2012 წელს არის თუ არა უკეთეს ვიდრე ის იყო 8 წლის წინ. ეს რომ ვკითხოთ ყველაზე შეურიგებელ ოპოზიცურ ლიდერსაც კი დადებით პასუხს გავცემს", - აღნიშნა მან.
ამასთან, ცისკარიშვილმა „ვარდების რევოლუციამდელი" პერიოდი გაახსენა ოპოზიცას და აღნიშნა, რომ მისი დაბრუნება ზოგიერთი პოლიტიკურ ძალის ინტერესში ნამდვილად შედის.
„2004 წელთან შედარებით უკეთესი ქვეყნა გვაქვს და შემდეგი სამი წლის განმავლობაში, 2015 წლის კიდევ უფრო მდიდარი და ძიერი საქართველო გვექნება", - განაცხადა პეტრე ცისკარიშვილმა.
