ჩერქეზული დიასპორის წარმომადგენლებმა საქართველოს პარლამენტს ჩერქეზების გენოციდის აღიარებისათვის მადლიერების სიგელი გადასცეს.
საერთაშორისო ჩერქეზული საბჭოს სახელით, ედი იაგალიმ მადლიერების სიგელი, პარლამენტის დიასპორისა და კავკასიის საკითხთა კომიტეტის თავმჯდომარეს ნუგზარ წიკლაურის დღევანდელ შეხვედრაზე გადასცა.
როგორც შეხვედრის შემდეგ წიკლაურმა ჟურნალისტებთან განაცხადა, საქართველო პირველია მსოფლიოში ვინც ჩერქეზი ხალხი გენოციდი აღიარა.
"დღეს ამ სიგელით, ჩერქეზული დიასპორის წარმომადგენლებმა კიდევ ერთხელ გამოხატეს მადლიერება ქართველი ხალხისა და საქართველოს პარლამენტის მიმართ. საქართველო პირველია მსოფლიოში ვინც ჩერქეზი ხალხი გენოციდი აღიარა, ეს კი ნიშნავს იმას, რომ ჩვენ მართლაც ვხდებით რეგიონში და ჩრდილოეთ კავკასიაში ლიდერი ყველა სფეროში", - აღნიშნა წიკლაურმა.
შეგახსენებთ, რომ საქართველოს პარლამენტმა რუსეთის იმპერიის მიერ ჩერქეზი ხალხის გენოციდი ერთი წლის წინ აღიარა.
