საპარლამენტო ფრაქცია "ერთობა სამართლიანობის" წევრი ჯონდი ბაღათურია უფასო მშობიარობის შემოღების ინიციატივით გამოდის.
მისი თქმით, ოფიციალური მონაცემებით, წლის განმავლობაში მშობიარობის 25 ათასი ნაადრევი შეწყვეტა დაფიქსირდა, რაც იმას ნიშნავს, რომ რეალური ციფრი შესაძლოა სამჯერ მეტი იყოს.
"შობადობის შემცირების უმთავრესი მიზეზი, მოსახლეობის უსახსრობაა, შობადობის შემცირება კი ერის გენოციდს იწვევს", - განცხადა ოპოზიციონერმა დეპუტატმა და აქვე დასძინა, რომ ერის გენოციდის წინააღმდეგ აუცილებლია მშობიარობა უფასო გახდეს.
ბაღათურიას პროექტის მიხედვით, უნდა დადგინდეს სტანდარტი მშობიარობის ფასისა, სახელმწიფომ უნდა გამოაცხადოს ტენდერი და ტენდერში გამარჯვებულ საავადმყოფოებს, ამ სტანდარტის ფარგლებში მშობიარობის ფასი აუნაზღაუროს.