ვაშინგტონში საქართველოს მიმართ ინტერესი დიდია. ამის შესახებ ამერიკის შეერთებული შტატების სახელმწიფო მდივანმა ჰილარი კლინტონმა საქართველოს პრეზიდენტ, მიხეილ სააკაშვილთან გამართული შეხვედრის შემდეგ განაცხადა.
"სასიამოვნოა მივესალმოთ პრეზიდენტს აქ, სახელმწიფო დეპარტამენტში. მას ჰქონდა რამდენიმე მნიშვნელოვანი შეხვედრა და კონსულტაციები, რომელიც დაიწყო ყოვლისმომცველი შეხვედრით პრეზიდენტ ობამასთან ოვალურ კაბინეტში. საქართველო ღირებული პარტნიორია. ისინი აქტიურად მონაწილეობენ ავღანეთში, სადაც ქართველი ჯარისკაცები დიდ სიმამაცეს და პროფესიონალიზმს აჩვენებენ. ჩვენ განვაგრძობთ კონსულტაციებს, რათა განვსაზღვროთ გზა ვაჭრობისა ინვესტიციების წინსვლის კუთხით", - განაცხადა კლინტონმა.
მისი თქმით, უამრავი სამუშაო ტარდება ორმხრივი კონსულტაციების ფარგლებში განათლების, ჯანდაცვის, კანონის უზენაესობის და უსაფრთხოების სფეროში თანამშრომლობის საკითხებზე.
"საქართველოს მიმართ ინტერესი ჩვენს დედაქალაქში დიდია", - აღნიშნა სახელმწიფო მდივანმა.
ჰილარი კლინტონსა და მიხეილ სააკაშვილს შორის შეხვედრა აშშ-ის სახელმწიფო დეპარტამენტში შედგა.
