რუსეთთან დიპლომატიური ურთიერთობის აღდგენა მოხდება მხოლოდ მაშინ როდესაც დაიხურება უკანონოდ განხსნილი ე.წ. საელჩოები სოხუმსა და ცხინვალში, - ამის შესახებ დღეს გამართულ ბრიფინგზე პრეზიდენტის პრეს-სპიკერმა მანანა მანჯგალაძემ განაცხადა.
ის გამოეხმაურა რუსეთის პრეზიდენტის დიმიტრი მედვედევის გუშინდელ განაცხადებას, რომელიც ეხებოდა საქართველოსთან დიპლომატიურ ურთიერთობას.
"დიმიტრი მედვედევის ამ განცხადებაში, ისევე როგორც რუსეთის მხრიდან წამოსულ ჩვეულ პოზიციაში, გაურკვეველია, რას გულისხმობენ საქართველოში. მათთვის ეს არის საქართველო საერთაშორისოდ აღიარებულ საზღვრებში თუ მათთვის ეს არის საქართველო მათ მიერ ოკუპირებული რეგონების გარეშე. უნდა ითქვას, რომ რუსეთთან დიპლომატიური ურთიერთობის აღდგენა მოხდება მხოლოდ მაშინ, როდესაც დაიხურება უკანონოდ გახსნილი ე.წ. საელჩოები სოხუმსა და ცხინვალში. რუსეთთან დიპლომატიური ურთიერთობის გაწყვეტა ეს არ არის ახირება, ეს ნაბიჯი გადაიდგა მხოლოდ იქიდან გამომდინარე, რომ სწორედ რუსეთი შემოიჭრა საქართველოს ტერიტორიაზე და ჩვენი ტერიტორიების 20 პროცენტი დღემდე ოკუპირებული აქვს", - განაცხადა მანჯგალაძემ და დასძინა, რომ პრობელმა არა პიროვნებებში, არა მიხიელ სააკაშვილში, არამედ საქმე ეხება საქართველოს მოსახლეობას, 5 მილიონ მოქალაქეს და ათასობით დევნილს, რომელიც დევნილობაში რუსეთის გამოისობით რჩება.