საპარლამენტო უმრავლესობა მზადა, პოლიტიკური გაერთიანებების დაფინანსების შესახებ კანონთან დაკავშირებით არასამთავროების წინადადებები განიხილოს. ამის შესახებ არასამთავრობო ორგანიზაციების წამომადგელებთან შეხვედრაზე პარლამენტის იურიდიულ საკითხთა კომიტეტის თავმჯდომარემ, პავლე კუბლაშვილმა განაცხადა.
კუბლაშვილის თქმით, შეხვედრის მიზანია, კიდევ ერთხელ მოხდეს კანონის განმარტება, რადგან მისი ინტერპრეტაცია და საზოგადოებამდე არასწორად მიტანა ხდება.
დეპუტატის შეფასებით, კანონის გამკაცრების მიზანს პოლიტიკაში შავი ფულის გამორიცხვა წარმოადგენდა, რათა მათ კანონის გვერდის ავლით დაფინანსების საშუალება არ მიეცეთ.
"სამართლიანი არჩევნებისთვის" თავმჯდომარე ირაკლი მელაშვილის განცხადებით კი, თუ ხელისუფლების მხრიდან არის მზაობა, რომ დაზუსტებების მიზნით კანონში ცვლილებები შევიდეს, ორ დღეში საკუთარ წინადადებებს მიაწვდიან.
