საქართველოს პრეზიდენტის ადმინსიტრაცია Human Rights Watch-ის ანგარიშს ეხმიანება. პრეზიდენრის პრეს-სპიკერის მანანა მანჯგალაძის განცხადებით, პრეზიდენტის ადმინისტრაცია ყურადღებით ეცნობა ყველა ინფორმაციას, რომელიც ადამიანის უფლებებსა და მათ დაცვას ეხება.
"ყურადღებით ვეცნობით, როგორც ამ თემაზე მომუშავე ადგილობრივ, ასე საერთაშორისო ორგანიზაციების ანგარიშებსა და ინფორმაციებს. უნდა ითქვას რომ ეს ჩვენთვის ყოველთვის საკმაოდ ღირებული და საინტერესო ინფორმაციის წყაროა", - განაცხადა მანჯგალაძემ.
მისი თქმით, შესაძლოა პრეზიდენტი და მისი ადმინისტრაცია არ ეთანხმებოდეს ყველა ინფორმაციას და შეფასებას, რომელიც ასეთი სახის დოკუმენტებში არის ხოლმე მოცემული.
"მაგრამ ვიმეორებ, რომ ეს ჩვენთვის ყოველთვის საინტერესო ინფორმაციას წარმოადგენს", - აღნიშნა მანჯგალაძემ.
შეგახსენებთ, რომ Human Rights Watch-მა საქართველოში ადამიანების უფლებების დაცვის შესახებ 2012 წლის ანგარიში გამოაქვეყნა, სადაც რამდენიმე საკითხთან დაკავშირებით საქართველოს ხელისუფლებას ადამიანის უფლებების დაცვის სფეროში არსებულ დარღვევებში ადანაშაულებს.