პრეზიდენტის ადმინისტრაცია არ აპირებს გაასაჩივროს საქალაქო სასამართლოს გადაწყვეტილება, რომლის მიხედვითაც ბიძინა ივანიშვილის მეუღლეს ეკატერინე ხვედელიძეს საქართველოს მოქალაქობა აღუდგა. ამის შესახებ საქართველოს პრეზიდენტის პრეს-სპიკერა მანანა მანჯგალაძემ გააცხადა.
პრეზიდენტის ადმინისტრაციისთვის გასაჩივრების ვადა დღეს იწურებოდა.
ცნობისთვის, საქალაქო სასამართლომ ბიძინა ივანიშვილისა და მისი მეუღლის ეკატერინე ხვედელიძის სარჩელი ნაწილობრივ დააკმაყოფილა. სასამართლოს გადაწყვეტილებით, ეკატერინე ხვედელიძეს საქართველოს მოქალაქეობა აღუდგა და ბათილად იცნო პრეზიდენტის 2011 წლის 11 ოქტომბერს გამოცემული ბრძანებულება, რომლითაც ხვედელიძეს მოქალაქოება ჩამოერთვა.
რაც შეეხება ივანიშვილს, სასამართლოს გადაწყვეტილებით ივანიშვილს მოქალაქეობა არ აღუდგა და პრეზიდენტის 11 ოქტომბერს გამოცემული აქტი ივანიშვილის მოქალაქეობის ჩამორთმევის შესახებ ძალაში დარჩა.
ბიძინა ივანიშვილისა და მიე მეუღლეს ეკატერინე ხვედელიძეს საქართველოს მოქალაქეობა პრეზიდენტის 11 ოქტომბრის # 602 ბრძანებულებით შეუწყდათ.
