ფრაქცია „ძლიერი საქართველოს" თავმჯდომარემ გია თორთლაძე "ნაცმოძრაობას" რჩევებს აძლევს. მისი შეფასებით, თუ მიხეილ სააკაშვილი „ნაციონალური მოძრაობის" საარჩევნო სიას არ ჩაუდგება სათავეში, მათ გამარჯვების მოპოვება გაუჭირდებათ.
"საქართველოში პარტიის გამარჯვებას განაპირობებს გამოკვეთილი ლიდერი, ხოლო ახალი ლიდერის გამოკვეთის პროცესში პარტიაში იწყება უთანხმოება და რაღაც ნაწილების გასვლა ამ პარტიიდან. თუ ოქტომბერში სააკაშვილი ჩაუდგება სათავეში ნაციონალური მოძრაობის საარჩევნო სიას, ეს მისთვის არის მომგებიანი. რადგან, თუ აპირებს ან პრემიერობას, ან პარლამენტის თავმჯდომარეობას, მისი პარტიის გამარჯვება არის მნიშვნელოვანი. სააკაშვილის გარეშე კი ნაციონალურ მოძრაობას არჩევნებში გამარჯვების მოპოვება გაუჭირდება, რადგან სხვა გამოკვეთილი ლიდერი არა ჰყავთ", - აღნიშნა თორთლაძემ.
მისივე შეფასებით, იმ შემთხვევაში თუ „ნაციონალურ მოძრაობაში" ახალი ლიდერის ძიების პროცესს დაიწყებს, შეიძლება ამას პარტიაში უთანხმოება მოყვეს, რამაც, შესაძლოა, მოძრაობიდან ნაწილის გასვლა ამოიწვიოს.
