საპარლამენტო უმრავლესობა ოპოზიციას ურჩევს რუსეთის ფედერაციის პრემიერ-მინისტრის ვლადიმერ პუტინის მოსაზრებები საბჭოთა კავშირის აღდგენასთან დაკავშირებით კარგად გაიზრონ. ამის შესახებ წიკლაურმა პუტინის მიერ რუსულ მედიასთან საბჭოთა კავშირისა დაშლისა და ევრაზიის კავშირის ჩამოყალბების გაკეთებული განცხადებების შეფასებისას აღნიშნა.
„სახელმწიფო, რომელზეც ლაპარაკობს პუტინი არ ითვალისწინებს რუსეთში მცხოვრები ხალხების ეროვნულ, კულტურულ და პოლიტიკურ უფლებებს და ის რუსეთის ფედერაციის საფუძვლად განიხილავს მხოლოდ რუსულ კულტურას. ასევე, პუტინი კვლავ ნოსტალგიით საუბრობს საბჭოთა კავშირზე, წუხს მის დაშლაზე და საბჭოთა კავშირს უწოდებს დიდ რუსეთს, ისტორიულ რუსულ სახელმწიფოს", - აღნიშნა წიკლაურმა.
მისივე შეფასებით, როდესაც ვლადიმერ პუტინი აცხადებს, რომ საბჭოთა კავშირს ევრაზიული კავშირის სახით აღადგენეს და შემდგომში გააძლიერებს, ეს ნიშნავს, რომ საუბარია პარანოიდური იდეით შეპყრობილ ადამინზე, რომელიც ცდილობს 21-ე საუკუნეში აღადგინოს ის, რაც დაინგრა მე-20 საუკუნეში და რაც იყო ყველაზე ანომალიური სახელმწიფოებრივი წარმონაქმნი იყო მსოფლიო ისტორიაში.
„ლაპარაკი ახლა იმაზე, რომ შეიძლება აღდგეს საბჭოთა კავშირი მიმაჩნია, რომ არადეკვატური აზროვნების ადამიანის გონების ნაყოფია. კარგი იქნება ამ ინტერვიუს ის ქართული პოლიტიკური ძალები გაეცნონ, რომლებიც ამბობენ, რომ პუტინი გადაიქცევა დემოკრატ ლიდერად, რომელთანაც შესაძლებელია ურთიერთობების დალაგება და ორმხრივი ინტერესების გათვალისწინებით ერთიანი პოლიტიკური ინტერესის ჩამოყალიბება", - განაცხადა მმართველი ძალის წევრმა.
„იმ სახელმწიფოში, რომლის აღგენაც რუსეთს სურს, საქართველოსთვის და ქართველების თავისუფლებისთვის ადგილი არ არის. ნებისმერმა ქართველმა პოლიტიკოსმა ეს უნდა გაითვალისწინოს და არ დაუქვემდებაროს თავის პოლიტკურ ინტერესებს, ის რაც ქვეყნის ძირეულ და უმნიშვენლოვანეს ღირებულებას ეხება, როგორიც არის დამოუკიდებლობა და თავისუფლება", - დასძინა წიკლაურმა.
