საპარლამენტო უმრავლესობა საქართველოს პრეზიდენტის მიხეილ სააკაშვილის საპარლამენტო არჩევნებში სიით კენჭისყრასთან დაკავშირებით გავრცელებულ ინფორმაციას უარყოფს.
საპარლამენტო უმრავლესობის წევრის, ტერიტორიული მთლიანობის აღდგენის დროებით კომისიის თავმჯდომარის შოთა მალაშხიას თქმით, პრესის საშუალებით გავრცელებული ინფორმაცია, თითქოს მან თქვა, რომ, საკაშვილის საარჩევნო სიაში იქნება, სიმართლეს არ შეესაბამება.
„როგორც საპარლამენტო, ასევე საპრეზიდენტო არჩევნები კონსტიტუციით განსაზღვრულ ვადებში ჩატარდება და ამ მხრივ საზოგადოება რაიმე სიახლეს არ უნდა ელოდოს", - აღნიშნა მალაშხიამ.
მისივე თქმით, ასევე გამორიცხულია, რომ სააკაშვილი პრეზიდენტის პოსტიდან გადადგეს და 2012 წლის ოქტობერს საპარლამენტო არჩევნებში მიიღოს მონაწილება.
„ამ ეტაპზე დღის წესრიგში სააკაშვილის პრემიერ-მინისტრის პოსტზე წარდგენა-არწარდგენის საკითხიც კი არ დგას", - ამტკიცებს მალაშხია.