საქართველოს საგარეო საქმეთა სამინისტრო ადასტურებს, რომ ებრაულ კომპანია „ელბით მარახოდსა" და ქართულ მხარეს შორის მორიგება შედგა.
ამის შესახებ საგარეო საქმეთა მინისტრის მოადგილე, ნინო კალანდაძემ, დღეს ორშაბათის ტრადიციულ ბრიფინგზე განაცხადა.
„ვადასტურებ, რომ ქართულ და ებრაულ მხარეს შორის მოლაპარაკება მიმდინარეობდა. ასევე ვადასტურებ, იმას, რომ სამუშაო მოლაპარაკების ფარგლებში მორიგება შედგა. საუბარი იყო რამდენიმე ხელშეკრულებაზე, რომელიც მხარეებს შორის იყო გაფორმებული. ეს არის კერძო ბიზნესხასიათის მატარებელი ხელშეკრულებები, შესაბამისად შეთანხმება შედგა, რომლითაც ორივე მხარე კმაყოფილია, რაც ნიშნავს იმას, რომ ორივე მხარე დათმობაზე წავიდა", - აღნიშნა კალანდაძე.
ამასთან, კალანდაძის თქმით, რაც შეეხება ციფრებს, მათი დაკონკრეტება ამ ეპატზე შეუძლებელია, რადგან ზუსტად არ იქნება ცნობილი რომელი ხელშეკრულება დაკმაყოფილდა და რომელი არა.
„ბევრი ხელშეკრულება იყო დადებული, რომელთა ნაწილის დაკმაყოფილება მოხდება, ნაწილის გათვალისწინება არ მოხდება, რადგან ქართული მხარის პოზიცია იყო მეტად მართებული, შესაბამისად არასწორი იქნება რაიმე ციფრებზე საუბარი" , - აცხადებს კალანდაძე.
შეგახსენებთ, რომ 2011 წლის აპრილში ისრაელის იარაღის მწარმოებელმა კომპანიამ „ელბითი" გაავრცელა ინფორმაცია, რომლის მიხედვითაც საკონტრაქტო პირობების დარღვევის გამო საქართველოსგან 100 მილიონ დოლარს ითხოვდა.
მოგვიანებით, კი 2011 წლის 29 დეკემბერს „ელბითმა" კვალვ გაავრცელა ინფორმაცია, რომ ქართულ მხარეს შორის მორიგება შედგა, რის საფუძველზეც კომპანია 35 მილიონ დოლარს მიიღებს და თბილისი შეიარაღების ნაწილს დააბრუნებს.