საქართველოს ოფიციალური ვიზიტით დღეს თურქეთის დიდი ეროვნული კრების საგარეო ურთიერთობათა კომიტეტის დელეგაცია ეწვევა.
ვიზიტის ფარგლებში დელეგაციის წევრები ხვალ, საქართველოს პარლამენტში საგარეო ურთიერთობათა კომიტეტის თავმჯდომარეს, აკაკი მინაშვილთან და
პარლამენტის თავმჯდომარის მოადგილე, გიორგი წერეთელთან შეხვედრას გამართავენ, რის შემდეგაც სტუმრები შინაგან საქმეთა სამინისტროს მომსახურების სააგენტოს დათვალიერებენ.
იმავე დღეს, თურქი დეპუტატები საქართველოს უშიშროების საბჭოს მდივანს, გიგა ბოკერიას, საქართველოს ოკუპირებული ტერიტორიებიდან იძულებით გადაადგილებულ პირთა განსახლების და ლტოლვილთა მინისტრს, კობა სუბელიანს და შინაგან საქმეთა მინისტრს, ვანო მერაბიშვილს შეხვდებიან.
გარდა ამისა, 18 იანვარი თურქეთის დელეგაცია საქართველოს ფინანსთა სამინისტროს შემოსავლების სამსახურის გაფორმების ეკონომიკურ ზონას, რუსთავის იუსტიციის სახლს დაათვალიერებს, რის შემდეგაც შეხვედრას იუსტიციის მინისტრ, ზურაბ ადეიშვილთან გამართავენ.
თურქეთის დიდი ეროვნული კრების საგარეო ურთიერთობათა კომიტეტის დელეგაცია საქართველოს 18 იანვარსვე დატოვებს.