მალაიზიაში დაკავებული საქართველოს მოქალაქეების საკითხში ოფიციალურ თბილისს აზერბაიჯანული და თურქული მხარეც ეხმარება.
როგორც დღეს, ორშაბათის ტრადიციულ პრესკონფერენციაზე საგარეო საქმეთა მინისტრის მოადგილემ ნინო კალანდაძემ აღნიშნა, დაკავებულებთან დაკავშირებით კონსულტაციები გრძელდება იმ შესაძლებლობების ფარგლებში, რომელიც ქვეყანას არარსებული დიპლომატიური ურთიერთობების პირობებში გააჩნია.
„აქტიურად ვიშველიებთ ჩვენს კოლეგბს, როგორც აზერბაიჯანში, ისე თურქეთში. ასევე ოფიციალური მიმოწერა გვაქვს საგრეო მალაიზიაში, როგორც სამართალდამცველებს, ისე საგარეო საქეთა სამინისტროს", - აღნიშნა კალანდაძემ.
მისივე ინფორმაციით, ამ ეტაპზე დაკავებულების ფიზიკური მდგომარეობა ნორმალურია, თუმცა სასამართლოს მიმდინარეოზე დამატებით პოზიტიური ინფომაცია ჯერ კიდევ არ არის.
„ვიცით, რომ რამდენჯერმე გადაიდო სასამართლო პროცესო. ხოლო გამოძიებისა და სასამართლოს მსვლელობის პროცესში საქართველო ვერ ერთვება, გარდა იმისა, რომ ჩვენ ხელთ არსებული ყველა ინფორემაცია მალაიზიურ მხარე უკვე გაუგზავნეთ, მათ შორის ისეთი მასალებიც რომელიც შემამსუქებელ გარემოებად შეიძლება ჩაითვალოს", - განაცხადა მინისტრის მოადგილემ და აქვე დასძინა, რომ მიუხედავად აღნიშნულისა, ეს არ ნიშნავს იმას, რომ ამ მასალებს ისინი მხედველობაში მიიღებენ.
შეგახსნებთ, რომ მალაიზიელ კოლეგას უკვე შეხვდა მთავარი პროკურორის პირველი მოადგილე დავით საყვარელიძე. მალაიზიაში იმყოფებოდა იუსტიციისა და საგარეო საქმეთა სამინისტროების დელეგაციაც, რომელმაც საქმის მასალები ადგილობრივ პროკურატურას გადასცა. მათ შორის ბაბუცა გორდაძის ქმრის, ელდარ დავითიანის ქართველი სამართალდამცავებისათვის მიცემული ჩვენება სადაც მან დანაშაული საკუთარ თავზე აიღო. მალაიზიის პრემიერს წერილი გაუგზავნა საქართველოს პრემიერ-მინისტრმაც.
2010 წლის ოქტომბრის ბოლოს დარეჯან კოხტაშვილი და ბაბუცა გორგაძე მალაიზიის ქალაქ მენგატილში დიდი რაოდენობით ნარკოტიკების გადატანის ფაქტზე დააკავეს. ეს ბრალდება ადგილობრივი კანონმდებლობით სიკვდილით დასჯას ითვალისწინებს.