საგარეო საქმეთა სამინისტროში სომალელი მეკობრებისგან გათავისუფლებული ქართველი მეზღვაურების გამოსასყიდის გადახდის საკითხებზე საუბარს მიზანშეწონილად არ მიიჩნევენ.
როგორც დღეს, საგარეო საქმეთა მინისტრის მოადგილემ ნინო კალანდაძემ ორშაბათის ტრადიციულ ბრიფინგზე განაცხადა, იგი მედიის მიერს გავრცელებულ ინფორმაციაზე, რომელიც მეზღვაურების განთავისუფლებაში სამი მილიონის გადახდა სუკავშირდება კონემტარს ვერ გააკეთებს.
„თავიდანვე იყო ნათქვამი, რომ ცნობილი მიზეზების გამო სომალელი მეკობრეებისთვის სახელმწიფოს ფინასნური რეზერვის გადახდა გაუჭირდება. შემიძლია გითხრათ, რომ დაკავებულების ოჯახის წევრებიც იყვნენ დაინტერესებულები ამ საკითხით და მათ გარკვეული რესურსების მობილიზება გააკეთეს. თუმცა დეტალების დაკონკრეტბისგან თავს შევიკავებ, რადგან არ მიმაჩნია მიზანშეწონილად, რომ სახლემწიფომ ამ დეტალებზე ოფიციალური ინფორმაცია უნდა გააჟღეროს", - აღნიშნა კალანდაძემ.
მისივე თქმით, ქართული მხარეს საკმაოდ შეზღუდული შესაძლებელობები ჰქონდა მოპლაპარაკებების კუთხითაც, რადგან საუბარია არაღიარებულ სახელმწიფოზე და კრიმინალურ დაჯგუფებაზე, რის გამოც მათთან ოფიციალური მოლაპარაკებების გამართვა ვერ ხდებოდა.
„ეს პრობლემა არ მარტო საქართველოს, ასევე ძლიერ საეხლმწიფოებსც შეეხოთ, შესაბამისად მათი გამოცდილების გაზიარებით და ტექნიკური დახმარებით შევძელთი შედეგისთვის მიგვეღწია. უნდა აღინიშნოს, რომ ძალიან ბევრი გააკეთა მეზვაურების განთავისუფლებისთვის ეკონიმიკის მინისტრის მოადგილემ გიორგი კარბელაშვილმა, რომელიც ამ მოლაპარაკებს როგორც ოფიცალური, ასევე პირადი კონტაქტებით ახერხებდა", - განაცხადა კალანდაძემ.
შეგახსენებთ, რომ 15 ქართველი და 3 თურქი მეზღვაური სომალელი მეკობრეების ტყვეობაში თითქმის წელიწადნახევრის განმავლობაში იმყოფებოდნენ. გათავისუფლების მოლაპარაკებებს საქართველოს პრეზიდენტის წარმომადგენელი, ეკონომიკისა და მდგრადი განვითარების მინისტრის მოადგილე გიორგი კარბელაშვილი ხელმძღვანელობდა.
კენიიდან მეზღვაურები ჩარტერული რეისით სტამბულში ჩაფრინდნენ, სადაც მათ პრეზიდენტი მიხეილ სააკაშვილი და თურქეთის პრემიერი რეჯებ ტაიპ ერდოღანი დახვდნენ.