საქართველოს საგარეო საქმეთა სამინისტრო ადრიატიკის ზღვაში ორი ქართველი მეზღვაური დაუღუპასთან დაკავშირებით ოფიციალურ ინფორმაციას ანკარიდან ელოდება.
როგორც დღეს, ორშაბათის ტრადიციულ პრესკონფერენციაზე საგარეო საქმეთა მინისტრის მოადგილემ ნონო კალანდაძემ განაცხადა, თურქული ტანკერზე მომხდარი აფეთქების შესახებ ინფორმაცია მედიისგან შეიტყვეს, რის შემდეგაც სასწრაფოდ მოხდა ანკარაში საქართველოს საელჩოსთან დაკავშირება.
„ახლა მედიის საშუალებით გავრცლებული ინფორმაციის გადაზუსტება მიმდინარეოს. ჩვენ დაუყოვნებლოივ დაუკავშირდით ჩვენს წარმომადგელობას ანკარაში და ვცდილობთ მაქსიმალური ინფორმაცია მივიღოთ", - აღნიშნა კალანდაძემ.
მისივე თქმით, ვითარების სირთულიდან გამომდინარე საგარეო უწყება რაიმე სახის განცხადების გაკეთებისგან თავს მანამდე შეიკავებს, ვიდრე ანკარიდან დაზუსტებული ინფორმაცია არ ექნება.
შეგახსენებთ, რომ დღეს დილით გავრცელდა ინფორმაცია, რომლის თანახმადაც ადრიატიკის ზღვაში ორი ქართველი მეზღვაური დაიღუპა. აფეთქება რამდენიმე საათის წინ თურქულ ტანკერზე მოხდა, რომელსაც 3000 ტონა საწვავი გადაქონდა. ტანკერი თურქული პორტის დატოვებისთანავე აალდა. დაშავებულთა შორის აზერბაიჯანის გემთფლობელიც არის.
არსებული ინფორმაციით, ეკიპაჟის 12 ქართველი წევრი გადარჩენილია.
მასალის გამოყენების პირობები
