სამოქალაქო მოძრაობა "ქართულ-აფხაზური და ქართულ-ოსური სახლის თავმჯდომარე"ნესტან კირთაძე ევროკავშირის სადამკვირვებლო მისიის წარმოამდგნელებს საქართველოში არონ ვანგბორგს და ლისელოდ იანსტსონს შეხვდა.
შეხვედრაზე განხილული იქნა 2008 წლის აგვისტოს ომის შემდგომი ვითარება და კონფლიქტური რეგიონების მოსახლეობის კონკრეტული პრობლემები.
ევროპის მონიტორებთან შეხვედრაზე ნესტან კირთაძემ განაცხადა, რომ სამშვიდობო ინიციატივები პოლიტიკურ დონეზე მნიშვნელოვანია, მაგრამ ხანგრძლივი მომავლის საქმეა.
"სამშვიდობო ინიციატივები საზაოგადოებრივი მოძრაობის დონეზე კიდევ უფრო მნიშვნელოვანია, რადგან იგი კეთილი ნების ელჩობისა და სახალხო დიპლომატიის დონეზე და ყოველდღიური შრომის შედეგად ეფექტურად მოხსნის ბევრ პრობლემას, რომელიც პოსტ კონფლიქტური პერიოდის მოსახლეობას აწუხებს როგორც აფხაზეთში, ცხინვალის რეგიონში, ისე ადმინისტაციული ზოლის მიმდებარე ქართულ სოფლებში და რაიონებში, - განაცხადა შეხვედრისას კირთაძემ.
ევროდამკვირვებლებთან შეხვედრის დროს ნესტან კირთაძემ ისაუბრა კონკრეტულ პროექტებზე, რომლებიც ხელს შეუწყობენ კონფლიქტური რეგიონების მოსახლეობის ურთიერთშორის ნდობის აღდგენის, თანამშრომლობისა და დაახლოვების პროცესს.
კირთაძემ კონკრეტულად განიხილა პოექტები სავაჭრო ცენტრების გახსნის შესახებ ენგურზე და ნიქოზში.
"ცხადია ეს რთულია, მაგრამ არა შეუძლებელი", - აღნიშნა ევროპელ მონიტორებთან შეხვედრაზე ნესტან კირთაძემ და დასძინა, - "ჩვენ კარგად გვესმის, რომ იმ ვითარებაში, როდესაც არსებობს ერთის მხრივ, ორი საკონტროლო გამშვები პუნქტი და მეორეს მხრივ, რუსი მესააზღვრეები, ეს ძალზედ რთულია, მაგრამ შესაძლებელია. ვფიქრობთ, რომ მოლაპარაკეებისა და საერთო შეთანხმების შემთხვევაში შესაძლებელია რამდენიმე ადგილას გაიხსნას ადმინისტრაციული სასაზღვრო ზოლი, რათა ორივე მხრიდან ადამიანებს მიეცეთ თავისუფალი გადაადგილების უფლება და შესათლებლობა. მითუმეტეს, საქმე ეხება უკიდურესად გაჭირვებულ ადამიანებს, რომელთათვისაც ასეთი სავაჭრო ცენტრის გახსნა იქნება მათი პირდაპირი ხსნა და გადარჩენა".
კირთაძე მიიჩნევს, რომ სწორედ ასეთი ურთიერთობები შეუწყობენ ხელს ქართველებსა და აფხაზებს, ქართველებსა და ოსებს შორის თანამშრომლობას, ნდობის აღდგენასა და ურთიერთობების განახლებას.
ამ კონკრეტულ საკითხებთან დაკავშირებით უახლოეს დღეებში ნესტან კირთაძე გეგმავს სამოქალაქო მოძრაობა "ქართულ-აფხაზური და ქართულ-ოსური სახლის სახელით მიმართოს როგორც ჟენევის საერთაშორისო მოლაპარაკების ჯგუფის ქვეყნების დელეგაციების ხელმძღვანელებს, ასევე ოთხმხრივი სამუშაო ჯგუფების წარმომადგენლობებს.
ნესტან კირთაძისა და ევროპელი მონიტორების შეხვედრაზე სხვა ბევრმა კონკრეტულმა საკითხმა, წინადადებამ და პროექტმა გაიჟღერა.
ევროპელმა მონიტორებმა უაღრესად მნიშვნელოვანი უწოდეს "ქართულ-აფხაზური და ქართულ-ოსური სახლის" სამშვიდობო ინიცატივას .
" ასეთი თანმიმდევრული ნაბიჯებით "ქართულ-აფხაზური და ქართულ-ოსური სახლი" ნამდვილ სამშვიდობო ფორუმად გადაიქცევა" - განაცხადეს ევროპელმა მონიტორებმა.
მხარეები სამომავლო მჭიდრო ურიერთთანამშრომლობაზე შეთანხმდნენ.
