სხვა სახელმწიფოებში საარჩევნო უბნების შექმნის ვადები განისაზღვრა.
ახალი "საარჩევნო კოდექსის" მიხედვით, სხვა სახელმწიფოში საარჩევნო უბნებს ქმნის ცესკო არჩევნების დღემდე არა უგვიანეს 30-ე დღისა საქართველოს საგარეო საქმეთა სამინისტროს მონაცემების საფუძველზე. ეს საარჩევნო უბნები დამოუკიდებელი საარჩევნო ოლქია და მათ შედეგებს ცესკო აჯამებს.
ძველი კანონმდებლობით კი, საქართველოს ფარგლებს გარეთ არსებულ საქართველოს სახელმწიფო დაწესებულებებში საარჩევნო უბნები იქმნებოდა საქართველოს ცენტრალური საარჩევნო კომისიის განკარგულებით, საქართველოს საგარეო საქმეთა სამინისტროს მონაცემების საფუძველზე.
ამავე განკარგულებით ცენტრალური საარჩევნო კომისია წყვეტდა ამ უბნების საარჩევნო ოლქისთვის მიკუთვნების საკითხს.
აღსანიშნავია, რომ ძველ კოდექსში უცხო ქვეყნებში სარჩევნო უბნების შექმნის ვადები გაწერილი არ იყო.