საარჩევნო უბნებზე რეგისტრირებულ ამომრჩევლთა რაოდენობა შემცირდება.
აღნიშნულს ახალი "საარჩევნო კოდექსი" ითვალისწინებს, რომელზეც მუშაობა დახლებით ერთი წლის განმავლობაში მიმდინარეობდა და პარლამენტმა იგი გასული წლის 27 დეკემბერს დაამტკიცა.
ძველი კოდექსის მიხევით, საარჩევნო უბანი იქმნებოდა არანაკლებ 20 და არა უმეტეს 2000 ამომრჩევლისათვის, კენჭისყრამდე არა უგვიანეს 50 დღისა.
საარჩევნო კანონმდებლობაში განხორცილბული ცვლილბების შემდეგ კი საარჩევნო უბანი იქმნება არანაკლებ 20 და არა უმეტეს 1500 ამომრჩევლისთვის.
რაც შეეხება საარჩევნო უბნების შექმნას, ასევე მათ საზღვრებსა და ნომრებს შესაბამისი საოლქო საარჩევნო კომისია ადგენს არა უგვიანეს არჩევნების წლის 1 ივლისისა და 2 დღის ვადაში აქვეყნებს სათანადო ინფორმაციას უბნების საზღვრების მითითებით.
გარდა ამისა, საოლქო საარჩევნო კომისია ადგილობრივი თვითმმართველობის ორგანოთა მონაცემების საფუძველზე ადგენს და აზუსტებს საარჩევნო უბანში შემავალი ყველა საცხოვრებელი შენობა-ნაგებობის ნუსხასა და მისამართებს, აგრეთვე იმ შენობა-ნაგებობათა ნუსხასა და მისამართებს, რომლებიც საქართველოს საარჩევნო ადმინისტრაციამ შეიძლება გამოიყენოს საარჩევნო მიზნებისთვის. საქართველოს პარლამენტის რიგგარეშე არჩევნების შემთხვევაში საარჩევნო უბნები იქმნება არჩევნებამდე არა უგვიანეს 40 დღისა.
ახალი "საარჩევნო კოდექსი" უკვე ძალაშია.