არჩევნების დანიშვნის დღიდან არჩევნების შედეგების შეჯამებამდე სახელმწიფო/ადგილობრივ ბიუჯეტში მანამდე გაუთვალისწინებელი პროექტების განხორციელება იკრძალება.
აღნიშნულის შესახებ ახალ „საარჩევნო კოდექსში" ახალი ნორმა გაჩნდა, რომელიც საარჩევნო პერიოდში სახელმწიფო ხარჯების მაოყენებას უკავშირდება.
ახალ საარჩევნო კანონმდებლობაში ჩაიწერა, რომ არჩევნების დანიშვნის დღიდან არჩევნების შედეგების შეჯამებამდე აკრძალულია ისეთი პროექტების განხორციელება, რომლებიც მანამდე არ იყო გათვალისწინებული სახელმწიფო/ადგილობრივ ბიუჯეტში, ასევე იმ საბიუჯეტო პროგრამების ზრდა, რომლებიც არჩევნებამდე გათვალისწინებული იყო ბიუჯეტით, არაგეგმური ტრანსფერების ინიციირება ან გეგმური ტრანსფერის ზრდა ადგილობრივ ბიუჯეტში.
ამ წესის დარღვევის შემთხვევაში უფლებამოსილ პირს შეუძლია მიმართოს სასამართლოს და მოითხოვოს ხარჯების შეჩერება.
