საქართველოს საგარეო საქმეთა მინისტრმა გრიგოლ ვაშაძემ გამოსამშვიდობებელი შეხვედრა გამართა საქართველოში რუმინეთის საგანგებო და სრულუფლებიან ელჩთან დან მიხაი ბარლიბასთან, მისი დიპლომატიური საქმიანობის დასრულებასთან დაკავშირებით.
როგორც საქართველოს საგარეო საქმეთა სამინისტრო იუწყება, შეხვედრაზე მხარეებმა განიხილეს ორმხრივი და მრავალმხრივი ურთიერთობების აქტუალური საკითხები.
საქართველოს საგარეო საქმეთა მინისტრმა მადლობა გადაუხადა ელჩს რუმინეთისა და საქართველოს ორმხრივი ურთიერთობების გაღრმავებაში შეტანილი წვლილისთვის და წარმატებები უსურვა მის მომავალ საქმიანობაში.
