საქართველოს პრემიერ-მინისტრ ნიკა გილაურის განცხადებით, 2011 წელს ყველაზე მნიშვნელოვანი ვიზიტი საქართველოსთვის საფრანგეთის პრეზიდენტ, ნიკოლა სარკოზის ვიზიტი იყო.
"ყველაზე მნიშვნელოვნად შეიძლება ჩაითვალოს საფრანგეთის პრეზიდენტის ვიზიტი საქართველოში. მან ათობით ათასი ადამიანის წინ განაცხადა საფრანგეთის მიერ საქართველოს ნატო-ში გაწევრიანების მხარდაჭერა. ეს იყო ძალიან მნიშვნელოვანი გზავნილი მთელი ევროპისთვის, რუსეთისთვის. მივიჩნევ, რომ ეს ვიზიტი საქართველოს საგარეო პოლიტიკაში წინ გადადგმული მნიშვნელოვანი ნაბიჯი იყო", - განაცხადა პრემიერმა.
რაც შეეხება თავად პრემიერის ვიზიტებს, ის ყველაზე მნიშვნელოვნად მის ბრიუსელში ვიზიტს ასახელებს.
"ჩემთვის ყველაზე დასამახსოვრებელი იყო ბოლო ვიზიტი ბრიუსელში, როდესაც გამოვაცხადეთ საქართველოსა და ევროკავშირს შორის თავისუფალი ვაჭრობის ხელშეკრულებაზე მოლაპარაკების დაწყება", - აღნიშნა პრემიერმა.