აფხაზეთის მთავრობის ორგანიზებით თბილისის რამდენიმე კომპაქტურად ჩასახლების ობიექტში მცხოვრებ აფხაზეთიდან იძულებით გადაადგილებულმა პირებმა საახალწლო ნობათი მიიღეს. აფხაზეთის მთავრობის თავმჯდომარემ გიორგი ბარამიამ და გლდანის რაიონის მაჟორიტარმა დეპუტატმა გიორგი ასანიძემ გლდანში, ლიბანის #17-ში მდებარე ბაგა-ბაღში კომპაქტურად ჩასახლებულ დევნილებს შობა-ახალ წელი მიულოცეს და მათ საახალწლო საჩუქრები გადასცეს.
საახალწლო ნობათი დღესვე ლილოს დასახლებაში, ვეტერანთა სამხედრო-ჰოსპიტალსა და მუხიანის ყოფილ რადიო ქარხნის შენობაში ჩასახლებულ იძულებით გადაადგილებულ პირებს, ასევე აფხაზეთიდან დევნილ მრავალშვილიან ოჯახებსაც დაურიგდათ. საჩუქრებს საქართველოს სხვადასხვა რეგიონში კომაქტურად ჩასახლებული დევნილებიც მიიღებენ.
აფხაზეთის მთავრობას საახალწლო საჩუქრები დევნილთათვის კომპანიებმა ,,ბარამბომ", ,,ნატახტარმა", ,,კოდამ'', ,,ტკბილმა ქვეყანამ", ,,მითანამ", ,,ვაზი პლიუსმა'', ,,გაგრა პლიუსმა" და ,,იფქლმა" მიაწოდეს.
