ე.წ. სამხრეთ ოსეთის ცესკომ 2012 წელს დაგეგმილი ე.წ. საპრეზიდენტო არჩევნების წინასაარჩევნო კამპანიის დაწყების შესახებ ოფიციალურად განაცხადა. ეს განცხადება ე.წ. ცესკოს თავმჯდომარემ ბელა ფლიევამ გააკეთა. სავარაუდოდ, ალა ჯიოევას ამ ე.წ. არჩევნებში მონაწილეობის უფლება არ აქვს.
"უკვე შესაძლებელია მოგვმართოს ყველა საინიციტივო ჯგუფმა კანდიდატების წარდგენასთან დაკავშირებით. ყველა იმ კანდიდატს, რომელმაც მონაწილეობა მიიღო 2011 წლის ნოემბერში გამართულ არჩევნებში, ახლაც აქვს მონაწილეობის მიღების უფლება, გარდა იმ კანდიდატისა, რომლის გამოც ჩაიშალა არჩევნები", _ აცხადებს ფლიევა.
ე.წ. სამხრეთ ოსეთის განმეორებით, ე.წ. საპრეზიდენტო არჩევნები 2012 წლის 25 მარტს უნდა ჩატარდეს.
2011 წლის 27 ნოემბერს ე.წ. სამხრეთ ოსეთში ჩატარებული "საპრეზიდენტო არჩევნები" ბათილად გამოცხადდა, ვინაიდან მასზე კრემლის კანდიდატმა ანატოლი ბიბილოვმა ვერ გაიმარჯვა და ხმათა უმრავლესობით გამარჯვება ოპოზიციის კანდიდატს, ალა ჯიოევას ერგო. აქციები ცხინვალის ცენტრში 2011 წლის 10 დეკემბერს დასრულდა, სწორედ ამ დღეს, ჯიოევასთან ხელმოწერილი შეთანხმების თანახმად, ოს სეპარატისტთა ლიდერი ედუარდ კოკოითი გადადგა.
