"ქართული დასის" ლიდერს ჯონდი ბაღათურიას მმართველმა პარტიამ ქალების და ფულის ნისიად მიცემაზე უარი უთხრა.
როგორც დღეს, პარლამენტის რიგგარეშე სხდომაზე "მოქალაქეთა პოლიტიკური გაერთიანებების შესახებ" კანონში ცვლილებების განხილვისას ბაღათურიამ განაცხადა, რომ სახელმწიფო ჯერ პარტიის დაფინანსება უნდა გაზარდოს და ამის შემდეგ იგი მზად არის პარტიულ სიაში ქალები შეიყვანოს.
ოპოზიციონერი დეპუტატის გამოსვლას პარლამენტის თავმჯდომარე დავით ბაქრაძე გამოეხმაურა და აღნიშნა, რომ "ბატონო, ჯონდი ქალებს და ფულს ნისიად ვერ მოგცემთ".
შეგახსენებთ, რომ ცვლილებების თანახმად თუ პარტია პროპორციულ სიაში პირველ 50 ადგილზე მინიმუმ 20% ქალებს შეიყვანს მისი დაფინანსება გაიზრდება.
აღნიშნულ საკითხს პარლამენტი დღეს რიგგარეშე სხდომაზე მეორე მოსმენით განიხილავს.