საპარლამენტო უმცირესობა მთავრობას მოუწოდებს პარლამენტში მიკრობიზნესის მუშაობისთვის ახალი კრიტერიუმები დროულად შეიტანონ. როგორც დღეს, პარლამენტის რიგგარეშე სხდომაზე საპარლამენტო უმცირესობის ლიდერმა გიორგი თარგამაძემ აღნიშნა, მიკრობიზნესის წამომადგენლებმა ამ დრომდე არ იციან როდის შევა ძალაში და თუ შევა როდის განისაზღვრება კრიტერიუმები, რომლითაც ამ ადამიანებს შემოსავლების სამსახურთან ურთიერთობა მოუწევთ.
"ამ ადამიანებს ვუთხარით, რომ აღარ სჭირდებათ სალარო აპარატები თუ ისინი მიკრობიზნესს წარმოადგენენ, თუმცა კონკრეტული კრიტერიუმები ჯერ არ არის ჩამოყალიბებული და შემოსავლების სამსახურების ადგილობრივი წარმომადგენლობები აიძულებენ მათ შეიძინონ სალარო აპარატები, რომელთა ღირებულებაც 280-დან 321 ლარამდე მერყეობს, რაც არ არის მცირე ფული", - აღნიშნა თარგამაძემ და აქვე საპარლამენტო უმრავლესობას და მთავრობას მოუწოდა აღნიშნული საკითხთან დაკავშირებით პარლამენტში განხილვები დროულად დაიწყონ.
მისივე თქმით, ფინანსთა მინისტრმა პირობა მისცა, რომ სამინისტრო კვირის დასაწყისშივე არა თუ კრიტერიუმებს შემოიტანდა პარლამენტში განსახილველად, ასევე მცირე ბიზნესში დასაქმებული პირებისთვის და შემოსვლების სამსახურისთვის ღია განცხადებასაც გავრცელებდა.
"თუმცა ჩვენ ამ დრომდე მსგავსი არაფერი მოგვისმენია", - აღნიშნა თარგამაძემ.