საჯარო მოსამსახურეების მიერ საარჩევნო კანონმდებლობის დარღვევiს პრევენციისა და დარღვევებზე რეაგირების მიზნით, ეროვნულ უშიშროების საბჭოსთან უწყებათაშორისი კომისია შეიქმნება. ახალი საარჩევნო კოდექსის თანახმად, კომისია შეიქმნება არჩევნების წლის 1-ელ ივლისს, ხოლო რიგგარეშე არჩევმნების შემთხვევაში, არჩევნების დანიშვნიდან სანი დღის ვადაში.
კომისიის შემადგენლობა უშიშროების საბჭოს მდივნის ბრძანებით განისაზღვრება. კომისიის საქმიანობის წესი განისაზღვრება დებულებით, რომელსაც უშიშროების საბჭოს მდივანი დაამტკიცებს. კომისია შეკრიბება საჭიროებისამებრ, მაგრამ არა ნაკლებ ორ კვირაში ერთხელ.
კანონპროექტში ნათქვამია, რომ კომისიის საქმიანობაში სათათბირო ხმის უფლებით პოლიტიკური გაერთიანებები მონაწილეობენ, რომლებიც კომისიას მიაწვდიან ინფორმაციას საჯარო მოსამსახურეების მხრიდან საარჩევნო კანონმდებლობის დარღვევის შესახებ.
კომისია იხილავს საკითხებს, რომლებიც უკავშირდება საჯარო მოსამსახურეთა მიერ საარჩევნო კანონმდებლობის ფაქტებთან დაკავშირებით მასობრივი ინფორმაციის საშუალებებით გავრცლებულ ინფორმაციას, ასევე მათი პრეროგატივაა დარღვევევის შესახებ მსჯელობა, რომელსაც კომისიას პოლიტიკური გაერთიანებები მიაწვდიან.
დარღვევების დადასტურების შემთხვევაში, კომისია უფლებამოსილია, რეკომენდაციით მიმართოს ნებისმიერ საჯარო მოამსახურეს, ადმინისტრაციულ ორგანოს, ცესკოს, შესაბამისი ღონისძიებების გატარების მოთხოვნით. კომისიის საქმიანობის საჯაროობის უზრუნველყოფის მიზნით, მის სხდომაზე შესაძლოა მიწვეული იყოს როგორც ადგილობრივი, ასევე საერთაშორისო სადამკვირვებლო ორგანიზაციის წარმომადგენლები.