ჩვენ დავიწყეთ საქართველოს ისტორიული ახალციხის ციხის დიდი აღმშენებლობა. ამის შესახებ საქართველოს პრეზიდენტმა მიხეილ სააკაშვილმა აცხალციხეში განაცხადა.
„რა თქმა უნდა, ჩვენ გამოცდილება გვაქვს სიღნაღის, მესტიის, ბათუმის, ქუთაისის, ყვარელში ვიძენთ ახლა გამოცდილებას და ამ ყველაფრის გათვალისწინებით და გვინდა ყველაზე მაგარი ადგილი გავაკეთოთ
ხალხი იმსახურებს, რომ აქ იცხოვროს ძალიან კარგად და მე ეს დაპირება მოგეცით თქვენ და მე ეს არასდროს დამავიწყდება ჩვენი შეხვედრები საპრეზიდენტო არჩევნების წინ 2008 წლის იანვარში, ბოლოს როცა მაშინ ძალიან ბევრს ვყავდი ჩამოწერილი და ძალიან ბევრს ეგონა დამთავრდებოდა ეპოქა იმიტომ რომ ყველა ძალა შეიკრა მაშინ, რუსეთის მიერ დაფინანსებული, ეხლა შეიძლება ღიად არ ლაპარაკობენახალციხეში", - განაცხადა მიხეილ სააკაშვილმა.
პრეზიდეტნმა აღნიშნა, რომ მაშინ მას ახალციხეში განუცხადეს, რომ „ყველაფერი ახლა იწყება".
„მაშინ ეგონათ რომ ყველაფერი დამთავრებული იყო, მაშინ აქ მოვედი თქვენთან ახალციხეში და თქვენ მითხარით, პირიქით, ყველაფერი ახლა იწყება და ერთად ავაშენებთ ჩვენ ქვეყანას. ჩვენ მაშინ გავიმარჯვეთ და გავიმარჯვებთ ეხლაც. როგორც არ უნდა შეიკრან წარსულისა და ბნელი მხარეები, როგორც არ უნდა მიგვათრევდნენ უკან საბჭოთა კავშირში, ჩაბნელებულ ეპოქაში, ჩაშმორებულ, გახრწნილ შევარდნაძის დროინდელ მთავრობაში, უშუქობაში, უგზოობაში, უპერსპექტივობაში, - ქართველი ხალხი არის არა იქ სადაც ისინი იკრიბებიან, არამედ ქართველი ხალხი ხართ თქვენ, ქართველი ხალხი არის ის ვინც აქამდე მოიყვანა ეს ქვეყანა, არ დაანგრევინა და ბოლომდე არ მოასპობინა მათ ჩვენი ოცნება", - განაცხადა პრეზიდენტმა.
პრეზიდენტმა აღნიშნა, რომ ახალციხეში ისეთი აღმშენებლობა როგორიც ახლა არის არასოდეს ყოფილა.
„ჩვენ ეპოქაში იქმნება ის, რაც არ შექმნილა რვა საუკუნის განმავლობაში. ამას ვქმნით ჩვენ. ჩვენ მაინც ავაშენებთ მიუხედავად იმისა, რომ არ მოსწონთ შუშის სასახლეები, მათ არ მოწონთ ჩვენი გაკეთებული გზები, როცა სხვების ფეხების ლოკვაშია მათი პირის გემო. მერე ვეღარ იტვყიან რომ უნდა დავბრუნდეთ უაკნ. იმიტომ რომ საქართველოს უკეთესად შეძლებია. საქართველო თურმე უფრო მიმზიდველი შეიძლება ყოფილიყო. საქართველოს თურმე სხვანაირად შეძლებია ყველაფერი, ამიტომ ჩვენ არასდროს არ ჩამოვწევთ ჩვენ ხუთჯვრიან დროშას. ჩვენ არასდროს არ დავიცლებით და არ დავიღლებით ჩვენი ქვეყნის გათავისუფლებისთვის, არასდროს არ შევაჩერებთ თქვენთან ერთად აღმშენებლობას", - აღნიშნა პრეზიდენტმა.
