საგარეო საქმეთა სამინისტროში გაიმართა შეხვედრა საგარეო საქმეთა მინისტრის პირველ მოადგილეს ნიკოლოზ ვაშაკიძესა და ევროპისა და ევრაზიის საკითხებში სახელმწიფო მდივნის თანაშემწის მოადგილეს ერიკ რუბინს შორის.
მხარეებმა განიხილეს საქართველოსა და აშშ-ს ორმხრივი ურთიერთობის საკითხთა ფართო სპექტრი, მათ შორის, აშშ-საქართველოს სტრატეგიული პარტნიორობის ქარტიის ფარგლებში თანამშრომლობის განვითარების პერსპექტივები.
საქართველოში ვიზიტის ფარგლებში ევროპისა და ევრაზიის საკითხებში სახელმწიფო მდივნის თანაშემწის მოადგილემ გამართა შეხვედრები საქართველოს აღმასრულებელი და საკანონმდებლო ხელისუფლების წარმომადგენლებთან, კერძოდ, პარლამენტის თავმჯდომარესთან დავით ბაქრაძესთან, პრემიერ-მინისტრთან ნიკა გილაურთან, ეროვნული უშიშრობის საბჭოს მდივანთან გიორგი ბოკერიასთან და შინაგან საქმეთა მინისტრის პირველ მოადგილესთან ეკა ზღულაძესთან. დაგეგმილია შეხვედრა საქართველოს პრეზიდენტთან მიხეილ სააკაშვილთან.