პარლამენტის თავმჯდომარის დავით ბაქრაძის შეფასებით, ვმო-ში რუსეთის გაწევრიანებზე მოლაპარაკებისგან საქართველომ მიიღო რუსეთისგან ირიბი აღიარება, რომ აფხაზეთი და ე.წ. სამხრეთ ოსეთი დამოუკიდებელი სახელმწიფოები არ არის.
როგორც ბაქრაძემ ჟურნალისტებთან საუბრისას აღნიშნა, მოლაპარაკების წარმოების პროცესში საქართველომ დაამტკიცა, რომ მას შეუძლია იყოს საქმინი და კონსტრუქციული პარტნიორი, მაშინაც კი, როდესაც საკითხი შეეხება რუსეთის ფედერაციას.
"პირველად 1992 წლიდან, საქართველომ შეძლო გააკონტროლოს ტვირთბრუნვა საქართველო-რუსეთის საზღვარზე, ეს ეხება როგორც აფხაზეთს, ასევე ცხინვალის რეგიონს. ეს ფაქტი კარგად მინიშნებს იმაზე, რომ რუსეთშიც კარგად ესმით - საქართველოს ტერიტორიული მთლიანობა არის საკითხი, რომელზედაც საჭიროა საუბარი, პოლიტიკური პროცესის გაგრძელება", - აღნიშნა მან.
ბაქრაძის თქმით, საქართველომ ამ მოლაპარაკებებიდან მიიღო ის, რომ გააკონტროლოს ტვითბრუნვა რუსეთის საზღვარზე, ასევე ირიბი აღიარება რუსეთისგან, რომ აფხაზეთი და ე.წ. სამხრეთ ოსეთი არის არა დამოუკიდებელი სახელემწიფოები, არამედ ესაა ტერიტორიები, რომელთა სტატუსიც შემდგომი მოლაპარაკების საგანი იქნება.