საქართველოს პარლამენტის თავმჯდომარე დავით ბაქრაძე მზადაა, დეპუტატების რაოდენობის საკითხზე კონსულტაციები მისი უშუალო მონაწილეობით დაიწყოს.
როგორც ბაქრაძემ ბიუროს სხდომაზე აღნიშნა, აუცილებელია საარჩევნო კოდექსში და კონსტიტუციაში შესატანი ცვლილებები წლის ბოლომდე დამტკიცდეს. მან პოლიტიკურ პარტიებს მოუწოდა, დეპუტატების რაოდენობის საკითხებზე მუშაობა დაიწყონ.
"ყველა პოლიტიკურ ძალას მოგიწოდებთ, დეპუტატების რაოდენობის საკითხზე კონსულტაციები გაიაროთ, რომ მისი მიღება წლისბოლომდე გახდეს შესაძლებელი", - აღნიშნა ბაქრაძემ.
მისი თქმით, როგორც საარჩევნო კოდექსში, ასევე მოქალაქეთა პოლიტიკური გაერთიანების შესახებ კანონში და კონსტიტუციაში ცვლილებებს პარლამენტი მხოლოდ მას შემდეგ დაამტკიცებს, რაც ვენეციის კომისიის საბოლოო დასკვნა გახდება ცნობილი.