პარლამენტის საშემოდგომო სესია დღეს ბიუროს სხდომით ოფიციალურად დაიხურა. როგორც სხდომაზე პარლამენტის თავმჯდომარემ დავით ბაქრაძემ განაცხადა, მომავალი კვირიდან პარლამენტი რიგგარეშე სხდომების ფორმატში გააგრძელებს მუშაობას.
მისი თქმით, სულ ცოტა - სამი რიგგარეშე სხდომა კიდევ გაიმართება, შესაბამისად საკანონმდებლო ორგანო მუშაობას წლის ბოლომდე გააგრძელებს.
რეგლამენტის თანხმად, საშემოდგომო სესია სწორედ დეკემბრის მესამე პარასკევს პლენარული, ან ბიუროს სხდომით იხურება, მიმდინარე კვირა პარლამენტში საკომიტეტო იყო, შესაბამისად, სესია ბიუროს სხდომით დაიხურა.