"ქრისტიან-დემოკრატები" 150 დეპუტატის დატოვების შემთხვევაში 83-ი მაჟორიტარის ჩასმის კატეგორიული წინააღმდეგები არიან. როგორც დღეს გამართულ ბიუროს სხდომაზე ვიცე-სპიკერმა ლევან ვეფხვაძემ განაცხადა, „ნაციონალური მოძრაობის" წევრების მხრიდან რამდენჯერმე გაჟღერდა, რომ რაოდენების არ გაზრდის შემთხვევაში დეპუტატების 83-67 პროპორციით გადანაწილდეს.
„ჩვენ ამის კატეგორიული წინააღმდეგები ვართ", - აღნიშნა ვეფხვაძემ.
ამასთან, ფრაქცია „ერთობა-სამართლინობის" წევრის ჯონდი ბაღათურიას თქმით, კი დეპუტატების რაოდენობა თავის დროზე რეფერენდუმზე გადაწყდა, შესაბამისად, პარლამენტს მისი გაუქმების უფლება არ აქვს.
„რეფერენდუმით მიღებული გადაწყვეტილება ისევ რეფერენდუმზე უნდა გავიდეს, წინააღმდეგ შემთხვევაში ის სისხლის სამართლის დანაშულია. ჩვენ მიგვაჩნია, რომ ეს საკითხი დღის წესრიგიდან საერთოდ უნდა ამოიღოთ", - მიმართა პარლამენტის თავმჯდომარეს ბაღათურიამ.
მის განცხადებას ლევან ვეფხვაძე გამოეხმაურა და განაცხადა, რომ „ჯონდი ბაღათურიას და ხელისუფლების აზრები ყოველთვის საეჭვოდ ემთხვევა ერთმანეთს".