საქართველოს პარლამენტის თავმჯდომარის დავით ბაქრაძის შეფასებით, აუცილებელის ქვეყნის შიგნით მოქმედმა ყველა პოლიტიკურმა ძალამ გააცნობიეროს თავის პასუხისმგებლობა, რომ თავისი ქმედებებით კრემლის პოლიტიკურ პროექტს არ შეუწყოს ხელი. ამის შესახებ ბაქრაძემ რუსეთის პრემიერ-მინისტრის ვლადიმერ პუტინის განცხადების შეფასებისას აღნიშნა, რომელმაც სინანული გამოთქვა საბჭოთა კავშირის დაშლასთან დაკავშირებით.
„ეს არ არის პირველი შემთხვევა, როდესაც რუსეთის პრემიერისგან საბჭოთა კავშირის დაშალის საკითხზე ნოსტალგია გვესმის. რეალურად აქვს კიდეც გაცხადებული გეგმა, რომ საბჭოთა კავშირი მოდერნიზებული ანუ ე.წ. ევრაზიის კავშირის ფორმით აღადგინოს", - განაცხადა ბაქრაძემ.
მისივე შეფასებით, როგორიც არ უნდა იყოს რუსეთის პოლიტიკური ელიტის გეგმები საქართველო არ აპირებს იყოს ამ გეგმების ნაწილი.
„საქართველოს ადგილი არის ევროკავშირსა და ნატოში, ამიტომ ჩვენ ვიმოძრავეთ ევროპის მიმართულებით. ვისაც სურს საბჭოთა კავშირში დაბრუნება ღმერთმა ხელი მოუმართოს. თუმცა, ასეთი სურვილების არსებობა უნდა გავითავლისწინოთ და ეს უნდა იყოს სიგნალი, რომ უფრო ფრთხილად ვიყოთ და საქართველოს შიგნით მოქმედ ყველა ყველა პოლიტიკურმა ძალამ კარგად უნდა გაიზროს თავის პასუხისმგებლობა, რათა საკუთარი ქმედებით ან უმოქმედობით ხელი არ შეუწყოს ამ ახალი პოლიტიკური პროექტის რეალიზებას", - დასძინა ბაქრაძემ.
