პარლამენტმა 45-იდან 60 წლამდე ასაკის პირების დასაქმებისთვის გათვალისწინებული კანონპროექტი დაამტკიცა.
"საქართველოს საგადასახადო კოდექსში" შეტანილი ცვლილებების თანახმად, საშემოსავლო გადასახადისგან თავისუფლდება 45-იდან 60 წლამდე ასაკის პირის მიერ კერძო სამართლის იურიდიული ან ფიზიკური პირისაგან ხელფასის სახით მიღებული შემოსავალი ახალ სამუშაო ადგილზე დაქირავებით მუშაობის დაწყებიდან ერთი წლის განმავლობაში, თუ მან ახალ სამუშაო ადგილზე დაქირავებით მუშაობა დაიწყო 2012 წლის 1-ლი იანვრიდან 2012 წლის 1-ელ ივლისამდე და მუშაობის დაწყებამდე 3 თვის განმავლობაში იყო უმუშევარი.
ამასთან, ეს წესი არ გამოიყენება, თუ პირი დასაქმდება ზემოაღნიშნულ დამქირავებელთან იმავე სამუშაო ადგილზე უკვე დაქირავებული პირის გათავისუფლების შემთხვევაში.
ცვლილებების ინიციატორი საქართველოს მთავრობაა.
