ეროსი კიწმარიშვილი მოითხოვს მამუკა ღლონტმა დატოვოს ტელეკომპანიის შენობა და ტერიტორია რადგან მისი თქმით, ღლონტი მან გაანთავისუფლა სამსახურიდან და მას აქ ყოფნის უფლება არ აქვს.
კიწმარიშვილის განცხადებით, ერთადერთი გამოსავალი აღნიშნული სიტუაციიდან არის შეწყდეს უკანონო მაუწყებლობა და მაუწყებლობა განახლდეს იმ პირობებში, რა პირობებსაც ის აყენებს და მოითხოვს.
"ყველა დახურული კარი უნდა გაიხსნას, ეთერი ღლონტმა და მისმა თანმხლებლებმა გაწყვიტეს. მოვითხოვ რომ წამოვიდეს ღლონტი, რადგან ის მე გავანთავისუფლე სამსახურიდან", - განაცხადა კიწმარიშვილმა.
მიუხედავად ამისა, ის ეთერის გათიშვაზე აცხადებს, რომ პასუხისმგებლობა ეკისრება ორივე მხარეს. ამ დროისთვის ტელეკომპანია მაესტროსთან შეკრებილნი არიან სხვადასხვა მედიასაშუალებების წარმომადგენლები, პოლიტიკოსები და ისინი ითხოვენ რომ ტელეკომპანია მაესტროს ჟურნალისტებს მიეცეთ შესაძლებლობა შეასრულონ მათი პროფესიული მოვალეობა.
მამუკა ღლონტი შესულია ტელეკოპმპანიის შენობაში და როგორც ცნობილი ხდება, ის ტერიტორიის დატოვებას არ აპირებს.