დღეს პარლამენტის სხდომაზე ჯონდი ბაღათურიამ ორი ფოტო-სურათი ააფრიალა, სადაც კახა ბენდუქიძე პუტინთან და ლავროვთან ერთად არის გადაღებული. ბაღათურიამ აღნიშნა, რომ გოკა გაბაშვილის სტანდარტით კიდევ ერთი "მოღალატე" განათლების მინისტრი დიმიტრი შაშკინია.
"მოღალატეებზე გოკას უყვარს საუბარი. კიდევ ერთი მოღალატე შაშკინია, რომელიც რუსეთის ოკუპაციას "აგვისტოს მოვლენას" უწოდებს და სიტყვა ტრაგიკულსაც კი არ ამატებს. შაშკინია ის ადამიანი, რომელიც აგვისტოს ომის გმირის გელა ჭედიას სახელობის სკოლას ხურავს" - აღნიშნა ჯონდი ბაღათურიამ.
მანვე გაიხსენა 2008 წლის ომის პერიოდი, როდესაც ზოგიერთი წითელ ხიდზე გარბოდა და ქონებაც მიჰქონდა.
"ჩვენი სტრანდარტებით კი, მოღალატე ის არის ვინც ომის დროს სამარცხვინოდ ხალხი მიატოვა და იმისთვის გაიქცა, რომ თავისი ტელევიზორი და მაცივარი გადაერჩინა. მოღალატეა ის ვინც ხალხი განსცადელში მიატოვა და მათი გაქურდვის ხარჯზე კი, ქონება დააგროვა", - განაცხადა ბაღათურიამ.