„2011 წლის 7 ნოემბერს დაგეგმილი მიტინგი პოლიტიკური ავატნიურაა და ყველა ის პოლიტიკოსი თუ რგითი მოქალაქე, რომელიც ამ ტიპის ავანტიურის განხორციელებას შეეცდება პირდაპირ ემსახურება სააკაშვილის ხელისუფლებაში დარჩენას და ქვეყნის შემდგომ კატასტროფას", - განუცხადა „ჯი-ეიჩ-ენს" კირთაძემ.
მისი თქმით, ქართველი ხალხი სრულად უნდა გაემიჯნოს მიხეილ სააკაშვილის მიერ ორგანიზებულ 7 ნოემბერს პარლამენტის წინ დაგეგმილ აქციას და ნებისმიერ სხვა მიტინგს.
„სააკაშვილის მიზანია, შექმნას მიტინგების ყალბი რევოლუციური ეიფორია, რაც მას საშუალებას მისცემს კვლავ გაიმეოროს ხალხის სამაგალითო დასჯა, კვლავ შეავსოს ციხეები, კვლავ დაამარცხოს ქართველი ხალხი, დანერგოს შიში და ამ ფონზე გამოაცხადოს ვადამდელი არჩევნების თარიღი - როგორც მისი პოლიტიკური გადარჩენის ერთადერთი შანსი", - აცხადებს კირთაძე.
კირთაძე აღნიშნავს, რომ 2007 წლის 7 ნოემბერს მიხეილ სააკაშვილის რეჟიმმა მთელი მსოფლიოს წინაშე სამაგალითოდ დასაჯა ქართველი ხალხი, ფიზიკურად გაუსწორდა თავისუფალ დემონსტრატებს, ციხეები აავსო პოლიტიკური და უკანონო პატიმრებით, დასაჯა თავისუფალი სიტყვა, დაშალა ქართული სახელმწიფო და ქვეყანაში საბოოლოდ გააფორმა ღია ტერორი და კიდე უფრო განამტკიცა ერთპიროვნული და ერთპარტიული დიქტატურა.
„ჩვენ ეს ტირანია უნდა შევცვალოთ", - აცხადენს კირთაძე და დასძენს, - „მოახლოებული 2012 წელი საქართველოში ხელისუფლების შეცვლის წელია.
ეს ის წელია, როდესაც რეჟიმს უმთავრდება არსებობის ყოველგვარი ვადა და ლეგიტიმაცია. ამიტომ მთელმა საქართვლომ ქვეყნის შიგნით და მის ფარგლებს გარეთ ერთად და ერთსულოვნად უნდა ჩავატაროთ სამაგალითო, თავისუფალი და დემოკრატიული არჩევნები, შევცვალოთ მიხეილ სააკაშვილის რეჟიმი. ერთად უნდა დავიცვათ ქართველი ხალხის, საქართველოს მოქალაქეების მიერ გამოხატული ნება და სუვერენული უფლება თავად აირჩიოს ახალი ხელისუფლება".
მისივე განცხადებით, არავის, არც ერთ ავატიურისტს არ აქვს უფლება შეცვალოს ჩვენი სამშობლოს და ხალხის ერთიანობის მოახლოებული ღირსეული მომავალი.