"საქართველოს გზა" „ტყის კოდექსისა" და 10-პუნქტიანი სამოქმედო გეგმიდან მე-6-ს შეჩერებას ითხოვს. როგორც პარტიის მიერ დღეს გავრცელუბლ განცხადებაშია აღნიშნული, 10-პუნქტიანის გეგმის მე-6-ე პუნქტით ისინი აპირებენ საქართველოს არა მხოლოდ ტყის მასივების, არამედ მიწის გაყიდვასაც.
"ამჯერად, ყურადღებას ვამახვილებთ მე-6-ე პუნქტზე საქმე ეხება, „ტყის კოდექსს" , რაზე დაყრდნობითაც ისინი აპირებენ საქართველოს არამხოლოდ ტყის მასივების, არამედ მიწის გაყიდვასაც, ზუსტად ამ მე-6-ე პუნქტით ისინი იკანონებენ ასევე სატყეო მეურნეობის სარეზერვო მიწებს და საძოვრებს მთელი საქართველოს მასშტაბით. ადგილობრივი მოსახლეობა რჩება ტყეების გარეშე, ხოლო სოფლები - საძოვრების გარეშე" -, განაცხადა, "საქართველოს გზის" მთავარი კომიტეტის წევრმა, თემო მურვანიძემ და აღნიშნა, რომ პარტია მოუწოდებს ხელისუფლებას დროებით შეჩერებულ იქნეს როგორც „ტყის კოდექსის" შეტანა პარლამენტში, ასევე სამოქმედო გეგმის მე-6 პუნქტი.
