ნატოს ოფიციალურმა ვებგვერდმა ნატოს გენერალური მდივნის ანდერს ფოგ რასმუსენის საქართველოში ვიზიტის განრიგი გამოქვეყნა. გენერალური მდივანი ორდღიანი ვიზიტით ქვეყანაში 9 ნოემბერს ჩამოვა. დაგეგმილია მისი სტუმრობა ბათუმშიც.
პირველ დღეს რასმუსენი ნატო-საქართველოს კომისიას შეხვდება, რის შემდეგაც მედიისათვის პრესკონფერენციას გამართავს. ვიზიტის მეორე დღეს ნატოს გენერალური მდივანი პარლამენტის წევრებს, საგარეო საქმეთა მინისტრსა და პრემიერ-მინისტრსაც შეხვდება. იგი პარლამენტის თავმჯდომარესთან ერთობლივ პრესკონფერენციასაც გამართავს.
მისი ვიზიტის მეორე დღეს ბათუმში მას პრეზიდენტი სააკაშვილი მიიღებს. ანდერს ფოგ რასმუსენი თბილისის სახელმწიფო უნივერსიტეტში სიტყვის გამოსვლასა და ავღანეთიდან დაბრუნებულ ქართველ ჯარისკაცებთანაც გეგმავს შეხვედრას.
მასალის გამოყენების პირობები
